محمد جمال نخيلة
عرفات مدينة الجديدة، مساء أول أمس الجمعة، حادثة صحية مقلقة بعدما تعرض زوجان لتسمم غذائي مباشرة من بعد ما تناولو وجبة سريعة طلبوها من واحد المطعم المعروف داخل المدينة.
وحسب مصادر إعلامية، فالزوجين توصلو بالوجبة للدار ديالهم، لكن ما دازش وقت طويل حتى بدات تبان عليهم أعراض قوية وخطيرة، الشي اللي خلاهم يتنقلو بشكل مستعجل للمستشفى الإقليمي محمد الخامس، في حالة استنفار باش يتلقاو الإسعافات والعلاجات الضرورية.
وأكدات نفس المصادر أن الحالة الصحية ديال الزوجين تحسّنات بشكل ملحوظ من بعد ما خضعو للرعاية الطبية داخل المؤسسة الاستشفائية، وغادرو مرحلة الخطر.
وفي السياق ذاته، تحركات الجهات المختصة وفتحات تحقيق فهاد الواقعة، باش يتحددو الظروف والملابسات الحقيقية للتسمم، مع تحديد المسؤوليات القانونية واتخاذ الإجراءات اللازمة فحق المطعم المعني، حفاظاً على سلامة المواطنين.