بدر شاشا
في الآونة الأخيرة كثرات بزاف ديال الاتصالات والرسائل الوهمية باسم صندوق الضمان الاجتماعي، والبنوك، وحتى رسائل عبر البريد الإلكتروني كتقول أنك خاصك تخلص شي مستحقات عبر منصة تابعة لوزارة العدل عبر موقع غير تابع لهذه وزارة حتى رابط مغاير به خداع … وأنا شخصياً توصلت بهاد النوع ديال الرسائل عبر بريد الكتروني
هاد الشي كامل نصب واحتيال، الهدف ديالهم هو ياخذو المعلومات الشخصية ديالك أو البنكية.
كاين حتى شي ناس كيتاصلوا بك وكيقولو أنهم من الدعم الاجتماعي أو شركات الاتصالات وكيطلبو منك معطيات أو تحويلات… راه غير نصابة.
حذاري ثم حذاري
ما تعطي حتى معلومة شخصية
ما تشارك حتى كود أو رقم سري
ما تضغط على حتى رابط مشبوه
حاول تغير رمز سري طويل في جميع الحسابات خاصة بك
إلى جاك شي اتصال أو رسالة مشكوك فيها، تأكد مباشرة مع المؤسسة المعنية أو تجاهلها.
بارطاجيو هاد التحذير باش يوصل لأكبر عدد ممكن، وحميو راسكم ووالديكم وأحبابكم